有時候以為自己向成功踏出咗一小步，但發現其實只係原地踏步，就會覺得好似後退咗好多步。

「你好瞓嘅囉噃」係點解?

仲有二 同三

住得近唐人街嘅其中一固好處係可以好方便咁買到好多唔同嘅中式產品。每次我番香港都會買唔少書翻嚟，所以一直都有打算去附近嘅書店睇吓。尋日落雨咁啱經過，正口有藉口入去買本書。睇中咗一本，準備去買，反轉一睇，$40蚊，覺得幾貴。後來係網上見到有台灣網站有全套賣，計起上嚟平一半，先知真係笨咗。

當然，「書」同「輸」同音，所以買過陣時，可以話已經輸咗。有時都會覺得自己會好容易俾一時之間嘅滿足感打敗，而去做一啲之後會後悔嘅事。當然，有時過後都唔知會唔會後悔，或者應唔應該後悔。反正做都做咗，只可以見步行步啦。

不過最近都無咩閒情睇書，一本書已經夠我磨好耐，所以其實都唔算好貴。本書先啱啱開始睇，如果睇落覺得值嘅話，又唔一定係輸嘅。

係好耐好耐以前… 哦，其實無咁耐，由上一次正常更新到依家，都不過係過咗大半年。對上幾日突然興起，想再次有規律咁寫番啲野，所以決定由一篇2009下半年嘅回顧寫起。

話就話寫回顧，但真係要寫就唔知點寫好。或者咁講，2009年好似發咗一場夢。夢裏面我飛嚟飛去，發生咗好多好多係發夢之前我林都無林過嘅事。有開心，有唔開心。過咗一段時間，發覺雖然夢裏面有唔少快樂，但我始終唔想一世發夢。到咗應該起身嘅時候，就係應該起身。

一轉眼到咗年尾。12月我一個人搬咗去三藩市住，租咗一個小單位，$1200一個月。算係幾貴，但都算勉強維持得到之餘，仲可以有小小錢剩。一個人住生活變得充實好多。放工之後如果無同同事出去，就自己番屋企煮飯食。星期六日一係就番去父母嗰邊，一係就買餸清潔洗衫。時間少咗，但其實主要都係空閒時間，所以悶嘅感覺亦都少咗。

望番轉頭時間一定係過得好快，2009年都一樣。仲有兩個星期就到虎年，係牛年尾尾寫一啲無關痛痒事，所以用「虎頭牛尾」為題。

雖然覺得社交網站大部份都好無聊，但有時無聊之中都會有趣事:

．我們是這樣長大．

如果大家細個時有做過玩過以下既野, 就join 啦! 呢d先叫童真!

頭二十幾個有二十個我以前都做過，值得一提嘅有:

08: 食完瑞士糖之後, 將糖紙包番個原本四四方方果個形

14: 整濕d紙巾,掟上學校廁所天花頂

49: 沖廁：屙尿時出力射走屎

62: 筆跡足球: 雙方各用筆畫點在紙上....把筆放在點上再用食指放在筆頂...用力的壓....如此類推...墮著筆跡...看誰較快入對方的洞

64: 奇多圈: 唔需要多講...大家都應該知係咩~ 特別係男仔

93:「Pilot原子筆」陀螺: 玩法係將個銀色筆咀擰出黎，然後cup番入去，再借用手指力轉佢落檯，同其他同學仔鬥耐。想當年，大家真係上緊堂都偷偷地玩架！

97: 何濟公: 捉人隻鬼跑到埋身「何」左做無事，又可以「自解」、「碰解」、「遙距解」...好鬼茅

當然，以上嘅我都做過。可惜嘅係，去唔到呢個聚會:

Sing Sing 同樂會大召集之我們是這樣長大的 四月四, 返老還童預埋你

"This event has 210 confirmed guests"!!!