English /
繁體中文
journal
album
book
about
Subscribe
Activities Elsewhere
Title:
Body:
> 戊子重陽，無眠達旦，大叫一聲：作此篇，兼懷過去！ > > 每個月總有幾日，會心煩氣燥，失眠，胡思亂想。有時，甚至會想將啲胡思亂想寫落嚟，變成胡言亂語。 > > 一個星期前：十幾年來第一前做牙齒檢查，結果？將要去做第一次補牙。 > > 三個月前：踏入廿四歲，開始供退休金，開始 OkCupid。 > > 半年前：又一次番香港，仲去埋雲南，四川，蘇州。 > > 一年前：工作上開始咗一個大工程，結果？尚可。 > > 兩年前：又一次番香港，仲去埋北京，華東，西安。第一份長工，第一次出差，第一次滑雪。 > > 四年前：由大學宿舍搬出，第一次一個人住，第一次無電5日。 > > 六年前：由收到大學通知書，到上大學前嗰幾個月，可能係依十幾年來，最無憂無慮嘅日子。 > > 八年前：第一次番香港，約咗一班以前嘅同學，先至發現，其實我無咩嘢同佢地講。不久之後，第一次同人講…結果，非常失敗。 > > 九年前：第一份工，雖然只做咗一日。 > > 九年半前：唔記得有咩特別事，但為咗平衡，無辦法。 > > 九年九個月前：第一次攞F。 > > 九年十一個月又三個星期前：第一次感覺到咩叫有口難言。 > > 十年餘一日：人生在世不稱意，明朝散發弄扁舟。 > > 十年逾一日：棄我去者，昨日之日不可留。 > > 其他嘅，都係歷史遺落嚟嘅問題了。
Subscribe